CONCURSO LETRAS GALEGAS

Bo día, familias!

Recordades o concurso polo día das Letras Galegas? Pois xa temos gañadora!

NEREA (5º) enviounos esta obra de arte que non pode reflectir mellor ese intre entre LUSCO e FUSCO. Espectacular, non si?

Parabéns, artista!!!👏😍

E aquí tedes os debuxos do resto de participantes:

 

ALBERTO (2º) escribiu a palabra AGARIMO, con moitísimas cores, como teñen o amor e o cariño 😙

A XIRAFA é un dos animais favoritos de DAVID (4º). Quedoulle ben bonita! 💛

XOGUETE foi a palabra que elexiu AINHOA (2º), nun debuxo cheo de cor e moito brillo 🌟

 

SOFÍA (3º) representou moi ben a TERRA, imaxinamos que para que non esquezamos coidala 💚

 

 

E aínda hai máis!

CLARA (EI) debuxou a "Ricardo Carvalho Calero no xardín da súa casa". Non nos extraña nada que teña esa cara de felicidade! 😎

ALBERTO (2º) participou no reto refraneiro: "Polo San Xoan... a sardiña molla o pan" 🐟

Encantounos!

Luno quedou tan contento con todos estes debuxos que decidiu premiar a participación.

Así que, xa sabedes: gañadora e participantes, tedes un agasallo no cole esperando por vós! 🎊🎊🎊 Nos vindeiros días informaremos de cando podedes recollelo.

Moitas grazas a todas e a todos!!!

ASTRONAUTA SIDERAL

Bo día!

A proposta de hoxe ven con moito ritmo 🎵🎵🎵

Preparados para cantar e bailar con Uxía Lambona e a Banda Molona?

Nunca esquezades que se tendes un soño, podédelo alcanzar! ☆☆☆

Apertas agarimosas do voso amigo Luno Luneiro 😍

LETRAS GALEGAS III

Bo día a todas e a todos!

Hoxe traémosvos unhas cantas propostas para conmemorar o día da nosa lingua. Escolle a que máis che guste!

En primeiro lugar, unha pequena Misión: "O misterio da casa de Ricardo Carvalho Calero". Teredes que ir buscando claves e recollendo pistas na casa do autor, para ir descubrindo e coñecéndoo mellor. Seguro que xa sabedes un montón de cousas. Atrevédesvos a facer esta Misión?

Moita sorte!
 

* Xogo elaborado por Alba Carril Casanova (CPI de Vedra) e Ana Sánchez Sanmartín (CEIP Arquitecto Casas Novoa)

Agora que xa coñecedes un pouco mellor a este autor, xa estades preparados para ler un dos seus fermosos contos "As Pitas baixo a choiva". Agardamos que vos guste!

Premede na imaxe para ler o libro completo.

Para rematar, queremos despedirnos con esta canción de Paco Nogueiras que tantas veces bailamos no cole. 

A mover o esquelete!

LETRAS GALEGAS II

Bos días!!

O 17 de Maio celebramos o día das letras galegas, que este ano está dedicado ao escritor Ricardo Carvalho Calero. Seguro que moitos de vós xa o coñecedes, pero... Queredes coñecelo un pouquiño máis? Os alumnos e alumnas do colexio San Pío X de Ourense fixeron un vídeo no que se contan cousas moi interesantes sobre a vida e obra deste importante escritor. 

Gustouvos o vídeo? Seguro que agora sabedes un montón de cousas sobre Ricardo Carvalho Calero. 

Ademais, hoxe queremos agasallarvos cun pequeno vídeo coas palabras máis fermosas da nosa lingua e que dedicamos a todos os nenos, nenas e familias do noso cole.

Agardamos que vos guste!

LETRAS GALEGAS

Bo día!

O vindeiro domingo, 17 de maio, é o Día das Letras Galegas e o noso querido Luno ven con dúas propostas para vós. Lede con atención:

Letras Galegas 2020

Imaxe: Down Galicia

1. Concurso: Escolle unha palabra en galego e fai unha representación da mesma utilizando a técnica que máis che guste (facendo un debuxo, un collage, unha montaxe de fotografía...). Envíanos unha foto do resultado ao noso correo electrónico(biblio.luno@gmail.com)

Moito ollo! O prazo de entrega remata o vindeiro venres, 22 de maio.

Gañador e finalista serán premiados cun libro, que poderedes recoller no cole cando a situación o permita.

2. Reto refraneiro: Coñeces algún refrán en galego? Bótalle un ollo a esta proposta tan chula de Aulas Galegas (pincha aquí). Podes enviarnos unha foto do teu traballo para que poidamos publicala no blogue. Anímate a participar!

Espero con ilusión as vosas creacións!

Apertas agarimosas do voso amigo Luno Luneiro 🥰

MONUMENTO DA MEMORIA

Bos días!

Hoxe queremos compartir con todos unha pequena parte do noso proxecto "Coñecendo Poio". 

Fai unhas semanas vimos o traballo dos rapaces e rapazas de sexto que nos falaron das fermosas praias que temos en Poio.

Agora é o turno dos alumnos e alumnas de cuarto de primaria que tiveron que investigar sobre o Monumento da Memoria.

Queredes saber máis? 

Pois prestade moita atención a este  vídeo no que os nenos e nenas de cuarto nos contan datos moi interesantes deste monumento que temos tan preto.  

O Monumento da Memoria

Dende aquí queremos darlle as gracias aos nosos nenos e nenas polo seu esforzo e traballo e por trasmitirnos coas súas voces todo o que aprenderon. Animamosvos a visitar este maravilloso lugar cando teñades oportunidade!

Agora, xa sabedes que neste monumento podemos ver tres rostros moi coñecidos: Castelao, Alexandre Bóveda e Rosalía de Castro. Precisamente, hoxe tamén queremos compartir con vos un poema de Rosalía de Castro que podemos atopar no album "Parece unha rosa" ilustrado por Isabel Pintado e interpretado neste video polo alumnado do CEIP Vista Alegre de Burela. Esperamos que vos guste!

Que teñades un bo día!

MAIOS

Bo día a todos e todas!

Hoxe, primeiro de maio, dámoslle a benvida a primavera!

Se queredes saber un pouco máis sobre a fermosa tradición da Festa dos Maios, botádelle unha ollada a este vídeo elaborado polo Concello de Poio:

Ademáis, convidámosvos a escoitar esta canción de Luis Emilio Batallán, creada a partir do poema O maio (Aires da miña terra, 1880) de Manuel Curros Enríquez.

Feliz día, lector@s! 📚