O MARTES... CON MANDIL

Seguimos co Entroido e xa temos nova indicación: 

"Xa andan os  resposteiros

quentando as súas tixolas.

Por vez primeira este ano

temos festa da filloa!

Non esquezas este martes

traer un mandil á escola"

COMEZAMOS O ENTROIDO

Xa temos listo todo para empezar o Entroido no noso cole. Prestade moita atención as instruccións que se irán dando para cada día. 

De momento, xa temos a primeira para o luns:

"A festa do Entroido en Poio, 

a máis longa da provincia, 

éche ben coñecida. 

Como o galo Fodorico,

non esquezas este luns

vir coa cabeza lucida" 

COÑECENDO POIO

Este curso dende a biblioteca propuxémoslles aos nosos nenos e nenas investigar o noso concello, Poio.

O ano pasado, coñecimos un montón de países, aprendimos sobre a súa forma de vida, cultura, gastronomía e moitas cousas máis. Asique, este ano, decidimos indagar sobre o lugar onde vivimos.

Aos nenos e nenas de sexto tocoulles investigar sobre as fermosas praias que temos preto de nos. Como son moi bos actores e actrices decidiron realizar unha pequena actuación para explicarnos como son e onde están situadas. Fixérono moi moi ben e aprendimos un montón!

DÍA INTERNACIONAL DA NENA E A MULLER NA CIENCIA

O 11 de febreiro celébrase o Día Internacional da nena e a muller na ciencia, dende a biblio propoñémosvos varios libros relacionados con este tema. Animamosvos a boterlles un ollo! Son todos moi moi interesantes!

DÍA DA PAZ

Como cada 30 de xaneiro celebramos o Día da Paz. Dende a biblioteca preguntámoslles aos nosos nenos e nenas que noticias lles gustaría atopar na prensa. Para realizar esta labor convertéronse en pequenos reporteiros mudando os titulares dos xornais e escribindo outros novos cheos de sentimentos positivos.

Ademais disto, dende a biblio propoñémosvos unha serie de lecturas sobre este tema. Están dispoñibles na biblioteca para todos os que queiran disfrutar delas.

NOVIDADES XANEIRO

Neste ano 2020 recibimos novos libros e xogos. 
Podedes aprender moito cos novos inventarios de dinosaurios , animales ou flores. Divertirvos coas historias de Mortiña  ou "As pousadesiras do rei"  e,  para os máis pequenos temos o libro "Números" de Leo Lionni.

Luno xa liu todos  os libros novos , agora é  o voso turno. 

Animádesvos?

ESCOITANDO CONTOS

O mércores pasado tivemos a visita dunha contacontos. Quedamos abraiados cando nos relatou a historia de Lúa, unha pequena gata que quería viaxar polo mundo e facer amigos. Gustounos moito e pasamolo moi ben.

Dende aquí queremos darlle as gracias por compartir este conto con nos.