Unha das cousas máis importantes que podemos facer no cole é compartir coñecemento, por este motivo este curso puxemos en marcha unha iniciativa que naceu do propio alumnado: talleres durante os patios que imparten os propios alumnos e alumnas.
Unha bonita proposta na que uns aprendemos de outros.
AS NOSAS OBRAS
Ao longo do curso estivemos facendo diferentes actividades relacionadas co mundo da construción.
Tivemos moitos libriños de consulta que nos axudaron ao longo do curso a inspirarnos, aprender e coller ideas.
.jpeg)
.jpeg)
FESTIVIDADES MAIO
O 15 de maio foi o día das familias e o 17 o día contra a homofobia. Dende a biblio propoñemos coma sempre unha escolma de libriños para traballar estas celebracións, incidindo no valor da diversidade.
.jpeg)
📝 BEGOÑA CAAMAÑO 📻
Como cada 17 de maio, é momento de celebrar a nosa lingua.
Este ano, o día das Letras Galegas está adicado a Begoña Caamaño, unha muller que boa parte da súa vida traballou no mundo da radio. Para homenaxeala, consideramos que gravar un pequeno programa de radio sería unha boa idea.
Esperamos que vos guste!
🌺 OS MAIOS 🌺
.jpeg)
E cando xa tíñamos todo preparado, puxémonos mans á obra e este é o resultado por curso!
🐌🐟 CONSTRUCIÓNS ANIMAIS 🐝🐛
Tíñamos gardada unha última sorpresa dende a biblio. Seguindo co mundo das construcións, qué mellor que pechar o curso aprendendo algo máis sobre as construcións do mundo animal!
Así que o noso Luno non tardou moito en enviarnos información para ir descubrindo nas titorías datos súperinteresantes das vivendas no reino animal.
Con toda esta información, pouco a pouco fomos armando estas fermosas propostas. Atentos e atentas ao resultado!A primeira delas foi o noso abelleiro de contos, que xa decora a entrada da biblio. Cada un de nós elixiu o seu conto favorito para que formase parte desta colmea colectiva que servirá tamén como recomendación lectora dos uns aos outros.
E por último, os máis atrevidos animáronse a elaborar un hotel de insectos para o noso hortiño escolar e atraer deste xeito a insectos beneficiosos para a polinización das nosas plantas. Tras un proceso de investigación, recollida de elementos e montaxe, aquí tedes o primeiro!
.jpeg)
📖 UN MES CHEO DE CONTOS 📖
O mes de abril sempre é un mes de moita actividade na nosa biblio e iso encántanos!
Xa que sempre defendemos a importancia de compartir, repetimos un curso máis a experiencia dos apadriñamentos lectores, xerando momento de relax e risas entre contiños, sendo os maiores de 4º, 5º e 6º os que lían aos máis peques.
.jpeg)
Ademais, iniciamos novas experiencias. Todo o cole pasou pola Residencia de maiores Ballesol, para compartir cos nosos maiores algúns dos contos que máis nos gustan. E tivemos a sorte de que eles tamén quixeron compartir connosco algunha historia.
E por último, pero non menos importante, o día do libro recibimos uns libriños de agasallo para darlles unha segunda vida nas nosas estanterías.
.jpeg)
Como vedes, este mes veu cargado de actividades que son as que realmente nos enriquecen 💙
Finalistas do premio "Canta Rosalía"
A xornada de onte foi moi especial para todo o cole. Fixemos unha pequena excursión ao Auditorio de Príncipe Felipe xa que fomos elixidos finalistas do concurso "Canta Rosalía" da Deputación de Pontevedra co noso vídeopoema.
Ademais de desfrutar desta xornada diferente na que puidemos escoitar música en directo e ver o vídeo dos finalistas, levamos de agasallo unha escolma de libriños novos para a nosa biblioteca. Foi un día cheo de verbas e música en galego que nos encantou compartir con outros centros :)
VISITAS DE MARZO
Este mes foi moi intenso. Tivemos a sorte de que viñeron ao centro unha morea de artistas a encher o cole de arte e diversión.
En primeiro lugar, Anxo Moure veu contar uns contiños á nosa biblio relacionados coa natureza.
E por outra banda, o día do teatro celebrámolo cunha gran obra de teatro: "DEDÍN, DEDAL". Cantamos, contamos, cosemos e emocionámonos con esta actuación chea de tenrura.
POEMARIOS DE PETO
O pasado 20 de marzo celebramos o día da poesía, iniciando coma sempre cunha exposición dos libros que máis nos gustan relacionados con este xénero.
E xa que este ano temos a fortuna de contar co noso alumno de prácticas Diego Bará, experto en poesía, qué menos que pedirlle que comparta con nós algo do seu coñecemento.
E así foi como desfrutamos dunha mañá elaborando uns bonitos poemarios de peto, que enchemos con versos que preparou Diego para todos nós.
E finalmente, os maiores de 4º, 5º e 6º crearon os seus poemas en grupo, xuntando versiños que nos trouxo o profe. Deste xeito descubrimos a beleza de crear os noso propios poemas en grupiño.
.jpeg)
.jpeg)
Maquetas das nosas construcións
Dando fin a todo o que investigamos na primeira avaliación sobre as diferentes construcións do mundo, chegou o momento de darlles vida e construir con diferentes materiais a nosas propias maquetas.
A verdade é que son unha chulada! Poderedes desfrutar delas na exposición que quedará na entrada do cole ata fin de curso.
🌺Día de Rosalía🌺
Como cada ano, o 23 de febreiro conmemoramos día de Rosalía. Este ano, seguindo o proxecto de centro, traballamos o poema "Miña casiña, meu lar".
Aproveitamos a ocasión para practicar a lingua de signos que tanto nos gusta e este é o resultado final, no que cada clase signa uns versos.
Para non olvidar que o noso fogar vale moitas onciñas de ouro 😊
DÍA DA RADIO
O 13 de febreiro celebramos o día da radio. Para conmemorar esta data, o alumnado de sexto argallou unha entrevista con Eva Mejuto para falar un anaquiño da súa obra "A lavandeira de San Simón".
Preguntámoslle sobre o proceso creativo, a investigación previa que tivo que realizar e como non, animámola a crear unha historia sobre o noso cole. Por pedir que non sexa! :)
Grazas coma sempre pola túa visita, Eva.
.jpeg)
O 30 de xaneiro, conmemoramos como cada ano o día escolar da non violencia e da paz.
Este ano, quixemos lembrar o valor dos nosos fogares e dedicarlles este día ás persoas que por diversos motivos marcharon dos seus fogares e teñen que vivir nun campo de refuxiados.
Seguindo co proxecto de centro, coñecemos un pouco máis cómo son as condicións de vida nestes lugares e qué tipos de refuxio podemos atopar. Despois, todos xuntos na biblio, desfrutamos do contiño "A viaxe de Abril", narrado pola nosa profe Andrea, que conta a historia dunha nena que ten que fuxir do seu fogar e soamente conta co seu peluche e unha mochila.
Como actividade, intentamos poñernos no seu lugar e imaxinar qué cousas importante meteríamos nós nesa mochila e colgámolas na biblioteca.
Ademais, seguido a proposta do concello, fixemos unha pequena exposición das nosas teteiras para a paz.
🏫O NOSO COLEXIO IDEAL🔨
No segundo ciclo puxémonos creativos e aproveitamos a temática deste ano para deseñar algo que sempre quixemos:
o cole dos nosos soños!
Así que como auténticos arquitectos, seguimos un proceso de deseño e elaboramos os planos do noso cole ideal, piso por piso.
Despois pasamos pola radio a gravalo e aquí tedes o resultado. Esperamos que vos guste!
.jpeg)
