DÍA ESCOLAR DA NON VIOLENCIA E DA PAZ

Hoxe na escola celebramos o Día escolar da Non Violencia e da Paz

Baixo o lema "Burbullas pola paz", entre todos fixemos un mural no que os alumnos e alumnas decoraron uns mergulladores e recolleron os seus desexos de paz nunhas burbullas.

NADAL

E chegou o Nadal o cole de Viñas! Entre todos decoramos a entrada da escola e tamén recibimos a visita dos trasnos que coma sempre fixéronolo pasar xenial, con moitos bailes e risas.🎅🎄🎉

Tamén aproveitamos para presentar a nova imaxe de Luno Luneiro. Seguro que vos gusta tanto coma a nós!😍

Aquí deixámosvos un pequeno resumo da celebración do fin de ano. Pasámolo en grande!

25 N

Aquí podedes ver unha resume da celebración do Día contra a violencia de xénero.

Os alumnos e alumnas estiveron traballando cos contos de Adela Turín e logo tivemos unha sesión de contacontos de Artur Trillo para concienciar sobre a importancia da igualdade e respeto.

                                            

           

Xuntámonos na entrada da escola para ler o noso manifesto e facer un minuto de silencio por tódalas mulleres víctimas de violencia. Deixámosvos o vídeo resumo para que lle botedes unha ollada:

#PoioPlantaCara #ViñasPlantaCara #25NPoio @cimpoio

MAR DE VIÑAS

                                                         

                                                              

“Mar de Viñas” será este curso o noso proxecto interdisciplinar que xirará entorno á temática do mar. O obxectivo é coñecer a nosa contorna máis próxima, fomentando o respecto ao medioambiente, o coñecemento da flora e da fauna e a valoración dos traballos do sector marítimo máis habituais na zona. 

Deixámosvos unhas fotos para que vexades que bonito está a quedar o colexio!!

SEMANA DA CIENCIA

Xa chegou Novembro, comezamos este mes celebrando a "Semana da Ciencia". Na entrada do colexio temos unha exposición con moitos libros para que os alumn@s poidan investigar e mergullarse neste mundo tan interesante...  

Deixámosvos unhas propostas de experimentos por se queredes practicar a ser científicos ou científicas!!

O TERROR CHEGA A VIÑAS...

Hoxe celebramos unha data especial... o tan esperado SAMAÍN!! As pantasmas, as bruxas e demais seres monstruosos invadiron a escola. Tivemos photocall, unha sesión de contacontos e para rematar desfrutamos dunha película de medo.

Ademais este ano volvemos a celebrar o "IV Concurso de microrrelatos de medo" no cal participou todo o alumnado. Pronto coñeceremos os gañadores!!

PUBLICAN O GAÑADOR DO CONCURSO XAIME ILLA

Xa temos nas nosas mans a publicación A Raxeira, da XXX edición do concurso literario Xaime Illa Couto, que inclúe o poema "A estrela de area" de José Miguel Silva Camacho, gañador do concurso literario do ano 2021/2022. 

Na biblio xa temos os nosos exemplares grazas ao Concello de Poio e á Sociedade Cultural Deportiva de Raxó.

Unha vez máis, noraboa ao gañador! E nós, a desfrutar da súa obra.