Como sabedes tan só quedan unhas semanas para rematar este ano 2020 que tantos cambios nos troixo. Foron 12 meses nos que as nosas vidas e os nosos hábitos mudaron por completo. Agora é o momento de botar unha ollada atrás e recordar.
Para iso, hoxe traémosvos dúas propostas e un fermoso agasallo.
-A primeira delas é un conto moi especial adicado a todos os nenos e nenas de Poio. O conto chámase Tan Preto e foi escrito por Tamara Andrés e ilustrado por Marcos Viso. Non quero adiantarvos nada máis, gardade silencio e prestade moita atención!
O noso libro xa está empezado, anímaste a engadirlle novas páxinas? Estamos agardando por elas!Bótalle un ollo!
Xa estamos no mes de decembro e, con el chega o noso segundo pintor: JOAN MIRÓ. Ten obras moi chamativas nas que representa, entre outras cousas, o folclore catalán empregando formas abstractas e cores moi vivos. Seguro que vos vai encantar!!
Queredes coñecelo un pouco máis? Pois prestade moita atención a este vídeo:
Animádesvos a xogar coas formas xeométricas?
O 3 de decembro celebrase o Día Internacional da Diversidade Funcional.
Por iso, queremos compartir con vos un pequeno conto titulado "Por cuatro esquinitas de nada" de Jérôme Rullier. Desta vez, vamos a escoitalo polas voces de algúns dos nenos e nenas da escola. Estades preparados?
Prestade moita atención!
Ademais, deixámosvos unha serie de libros para que lles botédes un ollo!
Comeza o mes de decembro e con el, as novidades da nosa biblio!!
Chegaron un montón de libros e contos novos para que poidades seguir descubrindo novas personaxes e novas historias! Temos un pouquiño de todo: libros de música para os máis bailongos, libros de poesía para xogar coas letras, contos de animais e libros para esmendrellar coa risa!
A que estás agardando?
Como xa sabedes todos e todas o 25 de novembro é o Día Internacional contra a violencia de xénero.
Este ano queremos deixar pegada no noso cole pero... como vamos a facelo?
Pois creando entre todos e todas frases pola igualdade. Frases para lograr unha sociedade mellor na que todos teñamos os meus dereitos e liberdades e na que non existan as diferenzas.
As que máis nos gusten, ficara nos chanzos das escaleiras do noso cole. Estamos desexando ver o resultado das fermosas ideas dos nosos nenos e nenas!
Como xa sabedes, ao longo deste curso coñeceremos moitos pintores e pintoras e vamos enterarnos de cales foron as súas obras máis importantes. Este mes, tocounos investigar a HENRI MATISSE, un pintor francés que ten obras moi coloridas!
Queredes saber máis sobre el? Pois prestade moita atención a este vídeo:
Bos días a todos e a todas!
Xa sabemos cal é o proxecto deste ano:
OS PINCEIS DE VIÑAS 👀
Pois si, este ano vamos a converternos en pequenos pintores e pintoras. Para iso vamos a coñecer a algúns dos artistas máis importantes e as súas obras máis destacadas. Na biblioteca haberá un pequeno recanto no que poderedes atopar información sobre todos eles e onde poder crear as vosas propias obras de arte.
Estamos agardando por vos!
Bos días a todos e a todas!
Hoxe traémosvos unha sorpresa moi moi especial: os gañadores do "II Concurso de microrelatos de terror"!
Non foi unha tarefa fácil decidirnos. Tivemos que leer unha morea de historias terroríficas ata atopar as que máis nos gustaron.
Queremos darvos as grazas a todos e a todas pola vosa participación e polo voso esforzo! Fixéstes un traballo increíble!
Queredes saber quen son os gañadores?
Na categoría grupal, o microrelato gañador foi "ESPANTO" escrito polos alumnos e alumnas de 3º e 4ª!
Na categoría individual temos un gañador e un finalista:
-O microrelato gañador foi o estremecedor "Ding Dong" de Maryam (4º)!
-Por último, o microrelato finalista é a orixinal historia de Samaria (2º)!
Noraboa aos gañadores! Agardamos que vos gusten os agasallos e que sigades escribindo máis historias!
Grazas a todos e a todas por participar un ano máis e por imaxinar e crear relatos tan orixinais, fantásticos e terroríficos!!
Como sabedes nos últimos anos estamos aprendendo moito de diferentes temas.
No curso 2018/2019 tocounos viaxar por todo o mundo e coñecer diferentes países. Aprendemos tanto que nos entraron ganas de percorrer o mundo.
No curso 2019/2020 quixemos indagar sobre o lugar no que vivimos, o noso concello: Poio. Descubrimos que hai moitos lugares aos que nunca foramos e que teñen moita historia detrás.
Despois de recordar todo o camiño andado, a pregunta é cal: será o proxecto que nos acompañará este curso? Que creedes vos? Que vos gustaría investigar?
Este mes vamos a convertirnos en pequenos e pequenas científicas. Para iso, dende a biblioteca queremos compartir con vos algúns dos libros que gardamos nas nosas estanterías. Neles poderedes aprender moito sobre astronomía, física e química, sobre os animais ou sobre as plantas.
Anímadesvos?
Ademais este ano, volvemos a ter o noso "Concurso de microrelatos de terror".
Queres participar? Pois non perdas o tempo e comeza a pensar unha pequena historia que nos aterrorice a todos e a todas! Estamos esperando os vosos relatos!!
Bótalle un ollo a convocatoria:
A que estás agardando? Colle o lápis e comeza a escribir!
O pasado 19 de Outubro, celebrouse o Día das escritoras. Un ano máis, dende a nosa biblioteca propuxemos unha serie de libros de algunhas das escritoras galegas que máis nos gustan.
Esta vez, quixémos coñecelas un pouco máis e tivemos que investigar algúns datos sobre as súas vidas.
