GAÑADORES DO II CONCURSO DE MICRORELATOS DE TERROR

Bos días a todos e a todas! 

Hoxe traémosvos unha sorpresa moi moi especial: os gañadores do "II Concurso de microrelatos de terror"! 

Non foi unha tarefa fácil decidirnos. Tivemos que leer unha morea de historias terroríficas ata atopar as que máis nos gustaron. 

Queremos darvos as grazas a todos e a todas pola vosa participación e polo voso esforzo! Fixéstes un traballo increíble!

Queredes saber quen son os gañadores?

Na categoría grupal, o microrelato gañador foi "ESPANTO" escrito polos alumnos e alumnas de 3º e 4ª!

Na categoría individual temos un gañador e un finalista: 

-O microrelato gañador foi o estremecedor "Ding Dong" de Maryam (4º)! 

-Por último, o microrelato finalista é a orixinal historia de Samaria (2º)! 

Noraboa aos gañadores! Agardamos que vos gusten os agasallos e que sigades escribindo máis historias! 

Grazas a todos e a todas por participar un ano máis e por imaxinar e crear relatos tan orixinais, fantásticos e terroríficos!!

 

ADIVIÑA, ADIVIÑA...

Como sabedes nos últimos anos estamos aprendendo moito de diferentes temas. 

No curso 2018/2019 tocounos viaxar por todo o mundo e coñecer diferentes países. Aprendemos tanto que nos entraron ganas de percorrer o mundo. 

No curso 2019/2020 quixemos indagar sobre o lugar no que vivimos, o noso concello: Poio. Descubrimos que hai moitos lugares aos que nunca foramos e que teñen moita historia detrás. 

Despois de recordar todo o camiño andado, a pregunta é cal:  será o proxecto que nos acompañará este curso? Que creedes vos? Que vos gustaría investigar?

MES DA CIENCIA

Este mes vamos a convertirnos en pequenos e pequenas científicas. Para iso, dende a biblioteca queremos compartir con vos algúns dos libros que gardamos nas nosas estanterías. Neles poderedes aprender moito sobre astronomía, física e química, sobre os animais ou sobre as plantas. 

Anímadesvos?

SAMAÍN

En poucos días, celebraremos unha das festividades que máis nos gustan no noso cole "Samaín". Estamos desexando volver a escoitar contos, lendas e historias terroríficas. Dende a nosa biblioteca, propuxémos algúns  dos libros que máis nos gustan. 

Ademais este ano, volvemos a ter o noso "Concurso de microrelatos de terror". 

Queres participar? Pois non perdas o tempo e comeza a pensar unha pequena historia que nos aterrorice a todos e a todas! Estamos esperando os vosos relatos!! 

Bótalle un ollo a convocatoria: 

A que estás agardando? Colle o lápis e comeza a escribir!

DIA DAS ESCRITORAS

O pasado 19 de Outubro, celebrouse o Día das escritoras. Un ano máis, dende a nosa biblioteca propuxemos unha serie de libros de algunhas das escritoras galegas que máis nos gustan. 

Esta vez, quixémos coñecelas un pouco máis  e tivemos que investigar algúns datos sobre as súas vidas. 

ADEUS MAFALDA!

Como sabedes, o pasado 30 de setembro recibimos a triste noticia de que o creador de Mafalda, Quino, se despedía de nos para sempre e que xa non teríamos máis novas historias dunha das nosas personaxes favoritas. Por iso quixémos homexanear a este historietista arxentino que tanto nos fixo rir e enviarlles aos nosos nenos e nenas un reto con preguntas sobre Mafalda. 

 

DIA DA CONCIENCIA AMBIENTAL

O pasado 27 de setembro celebrouse o día da Conciencia Ambiental. Os nosos nenos e nenas recibiron un agasallo moi moi especial: uns libriños sobre o Medio Ambiente. Así, poden seguir aprendendo sobre este tema que tanto lles gusta.