Día da Poesía

  

O pasado luns día 21 de marzo, celebramos no cole o Día da Poesía.

Contamos con diferentes libros para poder traballar este xénero literario e tamén os diferentes autores e autoras. 

Ademais, como actividade de centro, propuxemos que o noso alumnado se convertera en grandes poetas e realizasen as súas propias creacións, para despois recopilalas e crear o nos libro de poemas. 📝

Deixovos aquí algunha fotiño. 👇📷

8 M

 

Estes días celebramos no cole o Día da muller. 

Tivemos a sorte de contar coa visita de Raquel Queizás para desfrutar da súa obra "Todos somos iguais"

 Dende aquí, dámoslle as gracias por vir e compartir con nós o seu espectáculo. 👏

Ademáis fixemos un vídeo coas investigacións que fixeron os nosos/as alumnos/as sobre as mulleres importantes que cambiaron o mundo. Esas mulleres sen medo, valentes e que loitaron pola igualdade.

Déixovos aquí👇 algunha fotiño deste día tan importante! 

Día de Rosalía

 O pasado 23 de febreiro festexamos o día de Rosalía de Castro no Ceip de Viñas. 

Entre todo o alumnado homenaxeamos á artista a través da lectura de diferentes poemas que despois colgamos nas pólas das árbores do patio, fixemos un retrato da mesma co lema sementadepensamentos🌸 e finalmente bailamos a golpe de muñeira, a canción "Terra" das nosas Tanxugueiras. A verdade que non puido quedar mellor... pasámolo en grande!

Aquí, 👇 unha mostra do espectáculo! 

Día Escolar da non Violencia e da Paz

 Como cada curso celebramos no cole o Día da Paz.

 O lema prosposto para este ano era: "Un peixiño pola Paz".  Cada alumno/a era o encargado/a de escribir unha mensaxe positiva e con sentimentos bonitos neses peixiños tan variados para festexar este día. Ademais tamén puidemos disfrutar de diferentes lecturas relacionadas coa temática.

O resultado da actividade quedou fenomenal e sobre todo mooooi colorido. Déixovos aquí unha mostra. Espero que vos guste! 

🐠🐟🐡

UNIVERSO DE EMOCIÓNS

Comezamos o segundo trimestre con esta imaxe do proxecto que levaremos a cabo ó longo deste curso que leva por título "UNIVERSO DE EMOCIÓNS". 

O principal obxectivo deste proxecto é descubrir distintas emocións que axudarán ó alumnado a ponerlle nome o que senten, identificando e entendendo esas emocións en diferentes situacións da súa vida, desenvolvendo a súa empatía, o que lle permitirá desenvolverse autonomamente no mundo no que viven. Cantas veces confundimos unhas emocións con outras? Ou non soubemos expresar claramente o que sentimos?  A través deste proxecto, descubrirémolo! 

😀😌😡😅😍😔😜😨😭😱😲

NOVIDADES!

 

  Hoxe traemos novas adquisicións de contos variados, súper chulos e divertidos para o noso alumnado. 👇

Esperamos que vos gusten tanto como a nós. 

😍

25 N

 

Hoxe celebramos no cole o Día contra a violencia de xénero. 

O ano pasado creamos unhas frases para a loita pola igualdade que quedaron moi chulas decorando as escaleiras do centro. Este ano quixemos facer unha representación das mesmas a través dun vídeo que quedou XENIAL! 👏

Aquí   👇    deixamos o enlace para que o poidades ver: 

https://youtu.be/MriOTib2_JA

O mellor do día foi, sen dúbida, a sesión de contacontos por Cris de Caldas para concienciar ao noso alumnado sobre a importancia da igualdade e o respecto polos demais.